انت اللى طلعت بيها
بعد فرقه وبعد غربه وبعد خوف وليالى صــــعبه
وبعد برد وبعد حــــــر وبعد حــــــلو وبعـــــد مر
انت اللى طلعت بيها
بعد كام مشوار طويل كنت فيهم قلبى دابـــل
ياما قلت انا مش هاميل مهما اصادف او اقابل
شـــــوفتك انت بصوت جميل زى تغريد البلابل
كل همسه بتهمسيها
انت اللى طلعت بيها
بعد حيرتى وبعد سفرى ف الشواطىء والموانى
بعد يأسى وبعد صبرى ع الامال وعلى الامانى
شوفتك انت قـــولت شعرى والقصايد والاغانى
كل غنوه كنت فيها
انت اللى طلعت بيها
بعد عمر وبعد رحله من الجراح ومن الهموم
دوقت طعم الدنيا احلى بعد ما عرفتك بيوم
ولاقيتك ساكنه اعلى م الكواكب والنجوم
والسما بتزينيها
انت اللى طلعت بيها
تسوى ايه الدنيا ديه لو مكنتيش عايشه فيــها
تسوى ايه الارض ديه لو متمشيش من فوقيها
تسوى ايه كل الاماكن وانت مش موجوده فيها
انت اللى طلعت بيها
يارب الكلمات دى تعجبكوا بس ارجوا الردود لان عندى كلمات حلوه ليكوا كتير
الإهداءات
(.................تعالوا شوفوا الغربه بتعمل ايه..........)
العرض العادي
